Mas matatag na healthcare partnership pinalakas ng Metro Laguna LGU’s

Nagkaisa ang City Government of Cabuyao at mga Local Government Units (LGUs) sa Laguna para palakasin ang koordinasyon at pagtutulungan sa larangan ng kalusugan sa pamamagitan ng Metro Laguna Inter-Local Health Zone (MLILHZ).

Sa isinagawang Signing Ceremony ng Memorandum of Agreement (MOA), binigyang-diin ang kahalagahan ng pagkakaisa ng mga lokal na pamahalaan upang mas mapahusay ang paghahatid ng healthcare services at maisulong ang Universal Health Care.

Hindi lamang isang pormal na kasunduan ang MOA, kundi isang hakbang tungo sa mas matibay na partnership ng mga LGU para matugunan ang pangangailangan sa kalusugan ng mga mamamayan.

Layunin ng MLILHZ na palakasin ang koordinasyon at resource-sharing ng mga lokal na pamahalaan upang makapaghatid ng mas episyente, accessible at responsive na serbisyong pangkalusugan.

Sa pagkakaisa ng mga LGU, mas napapalapit ang mas mahusay na serbisyong pangkalusugan sa bawat Lagunense.

📌 Mas matatag na partnership. Mas mahusay na healthcare. Mas malusog na mga mamamayan.

#MLILHZ #MetroLaguna #UniversalHealthCare #CabuyaoCity #Laguna #HealthForAll #Healthcare