Sa press briefing kasunod ng unang Grand Peoples Parade para sa pagdiriwang ng “Araw ng Biñan” 2026, ibinahagi ni Mayor Angelo “Gel” Alonte ang plano para sa pagtatayo ng Biñan City College.
Matapos ang mga pangako noong kampanya sa 2025, isa sa hindi pa natutupad na proyekto ang Biñan City College, ngunit malapit na itong maging katotohanan. Ayon kay Mayor Alonte, layunin ng bagong kolehiyo na mabigyan ng pagkakataong makapag-aral ang kabataan na hindi kayang suportahan ng kanilang mga magulang.
“Gusto ko na ang mga kabataang hindi kayang pag-aralin ng magulang ay mabigyan ng pagkakataon. Lahat ng kabataan ay makapag-aral nang libre upang matulungan ang kanilang pamilya, lalo na ang mga pamilyang indigent. May mga masisipag na bata na hindi kayang pag-aralin ng magulang, at yan po ang gusto nating matulungan,” pahayag ni Alonte.
Inaasahan na sa unang bahagi o huling quarter ng taong ito, masisimulan na ang Biñan City College dahil kasama ito sa Annual Budget 2026. Ayon sa mayor, katuwang sa proyekto ang kanilang kanilang kongresista , Cong Arman Dimaguila, kung saan nakalaan dito ang pagtatayo ng gusali at sa pamahalang panglungsod naman ang lupang pagtatayuan.
Nilinaw din ni Alonte na ang iskolarship ay hindi aalisin kahit na may mga iskolar mila sa mga pribadong paaralan, layunin ng pamahalaang panglungsod na magkaroon ang sariling kolehiyo na abot-kaya, de-kalidad, at nakatuon sa kabataan ng Biñan.

- “𝗦𝗔𝗡𝗔 𝗔𝗟𝗟!” 𝗡𝗲𝘁𝗶𝘇𝗲𝗻𝘀 𝗿𝗲𝗮𝗰𝘁 𝘁𝗼 𝗖𝗮𝗯𝘂𝘆𝗮𝗼’𝘀 𝗲𝗮𝗿𝗹𝘆 𝗰𝗵𝗿𝗶𝘀𝘁𝗺𝗮𝘀 𝗴𝗶𝗳𝘁 𝗱𝗶𝘀𝘁𝗿𝗶𝗯𝘂𝘁𝗶𝗼𝗻 - November 22, 2026
- MPT South backs barrier-less toll system, cites cash collection challenge - November 22, 2026
- MPT South targets December opening of remaining CALAX sections, CALAX, CAVITEX link - November 22, 2026