𝗟𝗶𝘃𝗲𝗹𝗶𝗵𝗼𝗼𝗱 𝗮𝘀𝘀𝗶𝘀𝘁𝗮𝗻𝗰𝗲, 𝗶𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝗺𝗴𝗮 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝗺𝘂𝗹𝗮 𝘀𝗮 𝗶𝗯𝗮’𝘁 𝗶𝗯𝗮𝗻𝗴 𝗱𝗶𝘀𝘁𝗿𝗶𝘁𝗼 𝗻𝗴 𝗟𝗮𝗴𝘂𝗻𝗮

Ilang pamilyang Lagunense mula sa una hanggang ikaapat na distrito ng Laguna ang nakatanggap ng livelihood assistance na maaaring magsilbing puhunan para sa pagsisimula o pagpapalago ng kanilang kabuhayan.

Isinagawa ang pamamahagi noong Agosto 7, 2026 sa Hectan, Calamba City, bilang bahagi ng programang naglalayong magbigay ng dagdag na oportunidad sa mga pamilyang nangangailangan ng suporta para sa kanilang hanapbuhay.

Ang tulong ay nakatuon sa pagbibigay ng panimulang puhunan na maaaring gamitin ng mga benepisyaryo sa maliit na negosyo o iba pang pagkakakitaan, upang makatulong sa pagdaragdag ng kita at pagpapalakas ng kabuhayan ng kanilang mga pamilya.

Ayon kay BM Angelica Jones Alarva na may-akda ng Sustainable Livelihood Ordinance of Laguna,mahalaga ang livelihood assistance dahil nagbibigay ito ng pagkakataon sa mga benepisyaryo na magkaroon ng sariling pinagkakakitaan sa halip na umasa lamang sa pansamantalang ayuda.

Sinabi naman ni Laguna Governor Sol Aragones na patuloy ang pag-akay ng GOByernong may SOLusyon

Sa pamamagitan ng livelihood assistance, inaasahang magkakaroon ang mga benepisyaryo ng karagdagang kapasidad upang makapagsimula ng maliit na negosyo, mapalawak ang kasalukuyang pagkakakitaan, at magkaroon ng mas matatag na pinagkukunan ng kita.

Nilalayon na gawing mas pangmatagalan ang epekto ng tulong sa mga pamilya sa pamamagitan ng pagbibigay hindi lamang ng agarang suporta kundi ng pagkakataong magkaroon ng sariling kabuhayan.