‘Serbisyong Tama’ Magpapatuloy sa Ilalim ng Pamumuno nina Hernandez at Carait sa Laguna

STA. CRUZ, Laguna (Oct.7 ) –Nakapaghain na ng Certificate of Candidacy sina Congresswoman Ruth Mariano-Hernandez , Board Member Atty.JM Carait at si Laguna Governor Ramil Hernandez nitong lunes Oct.7 sa COMELEC provincial office sa Sta.Cruz Laguna.

Nakahanda nang ipagpatuloy at paigtingin ng tambalan nina Ruth Mariano-Hernandez at Atty. JM Carait ang “Serbisyong Tama” kapag Sila ang nahalal sa Eleksyon 2025 . Si Hernandez ay tumatakbong Gobernador at Bise- Gobernador Naman si Carait , si Ramil Hernandez naman ay tatakbong Congressman sa ikalawang distrito ng lalawigan.

Si Congresswoman Ruth Mariano-Hernandez, na kasalukuyang nasa huling termino bilang kinatawan ng Ikalawang Distrito ng Laguna, ay muling nagpahayag ng kanyang dedikasyon na ipagpatuloy ang mga nagawa sa ilalim ng pamumuno ni Gobernador Ramil Hernandez, na matatapos na rin ang kanyang huling termino bilang Gobernador.

Si “Cong. Ruth,” na kilala sa kanyang kampanyang “Love Laguna,” ay naglalayong paunlarin ang turismo at magbigay ng mas maraming oportunidad sa trabaho at kaunlarang pang-ekonomiya para sa mga mamamayan ng Laguna.

Bilang mambabatas, naging mahalaga ang papel ni Cong. Ruth sa pagpasa ng House Bill No. 9623, na nagtatakda sa pagtatayo ng Laguna Regional Hospital (LRH) sa pamamahala ng Department of Health. Ang ospital na ito ay magsisilbing pangunahing hakbang ng bagong estratehiya sa kalusugan, katuwang ang isang network ng Super Health Centers (SHCs) sa buong probinsya, na may paunang pondong PHP 150 milyon para sa konstruksyon. Bilang suporta sa proyektong ito, nagkaloob si Gobernador Ramil Hernandez ng isang ektaryang lupa na pag-aari ng pamahalaang panlalawigan sa Barangay Puypuy, Bay.

Umaasa si Ruth na ipagpapatuloy ni Gob. Ramil ang pagsusulong ng pondo para sa ospital oras na siya’y mahalal bilang kinatawan ng Kongreso. Buo ang kanyang tiwala na sa kanyang pamumuno ay mapapanatili ang mga parangal ng probinsya, kabilang ang prestihiyosong Seal of Good Local Governance (SGLG) na iginawad ng Department of the Interior and Local Government (DILG).

Samantala, ipinangako naman ni Atty. JM Carait, na kasalukuyang Board Member ng Lone District ng Biñan City, na susuportahan niya ang mga programa ng gobernador bilang pinuno ng lupon ng lehislatura para sa ikabubuti ng mga Lagunense oras na siya’y maupo sa puwesto.