Matapos niyang manguna sa PAHAYAG 2025 End-of-Year (PEOY-2025) survey, napanatili ni Aquino ang matibay na suporta ng publiko sa pinakabagong survey, kung saan nakakuha siya ng 59% net favorable rating. Sa bilang na ito, 30% ng mga respondent ang nagsabing “very favorable” ang kanilang pananaw sa kanya.
Mas mataas ito kumpara sa 54% net favorable rating na nakuha niya sa PEOY-2025 survey.
Pumangalawa at pumangatlo naman sina Francis Pangilinan at Risa Hontiveros, na kapwa nagtala ng tig-50% net favorable rating.
Kumpleto ang Top 10 sa mga sumunod na senador: Rodante Marcoleta, Bong Go, Raffy Tulfo, Ping Lacson, Robin Padilla, Alan Peter Cayetano, at Bato Dela Rosa.
Isinagawa ang PAHAYAG First Quarter survey sa buong bansa mula Marso 21 hanggang 24, na may kabuuang 1,509 rehistradong botante. Ginamit dito ang purposive sampling, at ang mga respondent ay pinili mula sa market research panel ng PureSpectrum, isang kumpanyang nakabase sa Estados Unidos na may operasyon sa iba’t ibang bansa, kabilang ang regional office sa Singapore.
Ayon sa Publicus Asia, sila lamang ang survey firm na tama ang naging prediksyon na sina Go at Aquino ang mangunguna sa unang at ikalawang puwesto sa 2025 senatorial elections.
- “𝗦𝗔𝗡𝗔 𝗔𝗟𝗟!” 𝗡𝗲𝘁𝗶𝘇𝗲𝗻𝘀 𝗿𝗲𝗮𝗰𝘁 𝘁𝗼 𝗖𝗮𝗯𝘂𝘆𝗮𝗼’𝘀 𝗲𝗮𝗿𝗹𝘆 𝗰𝗵𝗿𝗶𝘀𝘁𝗺𝗮𝘀 𝗴𝗶𝗳𝘁 𝗱𝗶𝘀𝘁𝗿𝗶𝗯𝘂𝘁𝗶𝗼𝗻 - November 22, 2026
- MPT South backs barrier-less toll system, cites cash collection challenge - November 22, 2026
- MPT South targets December opening of remaining CALAX sections, CALAX, CAVITEX link - November 22, 2026