Nanawagan si Rep. Marissa “Del Mar” Magsino ng #83 OFW Party List na muling pag-aralan ang ipinatutupad na patakaran ng MRT-3 na nagbabawal sa malalaking bagahe, isang hakbang na aniya’y lalong nagpapahirap sa mga OFW at iba pang biyaherong umaasa sa abot-kayang pampublikong transportasyon.
Ayon kay Magsino, marami sa ating mga kababayang OFW at air travelers ang sumasakay sa MRT-3 upang makaiwas sa mataas na pamasahe ng taxi o TNVS patungong Ninoy Aquino International Airport (NAIA). Ngunit sa halip na gawing mas maginhawa at abot-kaya ang kanilang biyahe, tila lalo pang pinapahirapan ang mga ito sa ilalim ng naturang polisiya.
“Hindi ito simpleng usapin ng regulasyon. Dapat ay malasakit sa mananakay ang pairalin,” ani Magsino. “Sa ibang bansa, may sistema upang maisama ang malalaking bagahe sa pampublikong transportasyon. Bakit hindi natin ito maisabuhay dito?”
Hinimok din ng mambabatas ang pamunuan ng MRT-3 at mga kinauukulan na maghanap ng solusyon upang maging mas efficient at inclusive ang transportasyon—hindi lamang para sa lahat ng mananakay kundi lalo na para sa mga tinaguriang “bagong bayani” ng bansa at kanilang mga pamilya.
- Lawmakers, BI officials push border security modernization amid rising illegal entry, human trafficking concerns - July 8, 2026
- Experts warn tech-driven trafficking requires stronger innovation, vigilance - June 24, 2026
- 𝗕𝗜, 𝗜𝗦𝗜𝗡𝗨𝗦𝗨𝗟𝗢𝗡𝗚 𝗔𝗡𝗚 𝗔𝗜-𝗣𝗢𝗪𝗘𝗥𝗘𝗗 𝗕𝗢𝗥𝗗𝗘𝗥 𝗦𝗘𝗖𝗨𝗥𝗜𝗧𝗬 𝗦𝗬𝗦𝗧𝗘𝗠 𝗦𝗔 𝗠𝗚𝗔 𝗣𝗔𝗡𝗚𝗨𝗡𝗔𝗛𝗜𝗡𝗚 𝗚𝗔𝗧𝗘𝗪𝗔𝗬 𝗡𝗚 𝗣𝗜𝗟𝗜𝗣𝗜𝗡𝗔𝗦 - June 18, 2026