Mas inilalapit sa mas malawak na merkado ang produkto ng 60 micro, small, and medium enterprises (MSMEs) mula sa CALABARZON sa pamamagitan ng CoconutPhilippines featuring KALAKAL CALABARZON 2026, na ginaganap sa Festival Mall Alabang mula Agosto 17 hanggang 23.
Pinangunahan ng Department of Trade and Industry–Laguna Provincial Office (DTI Laguna) ang pitong-araw na regional trade fair na nagtipon sa mga MSME mula Cavite, Laguna, Batangas, Rizal at Quezon.
Hindi lamang pagbebenta ang layunin ng trade fair. Naging daan din ito para makilala ng mga mamimili, institutional buyers, distributors, retailers, exporters at iba pang business partners ang mga produktong likha ng mga lokal na negosyante.

Tampok sa exhibit ang iba’t ibang coconut-based at locally developed products, kabilang ang pagkain at inumin, health and wellness, personal care, handicrafts, fashion at lifestyle products.
Bahagi rin ng aktibidad ang Renewal of Commitment and Support for the Coconut Farmers and Industry Development Plan (CFIDP), kung saan muling pinagtibay ng Regional Inter-Agency Technical Committee (RIATC) ang suporta nito sa mga coconut farmer at sa pagpapaunlad ng industriya ng niyog.
Itinatampok din ang mga produkto sa ilalim ng One Town, One Product (OTOP) ng Laguna, na nagpapakita ng talento, kultura, craftsmanship at paggamit ng lokal na materyales ng mga komunidad sa lalawigan.
Para sa mga MSME, ang ganitong uri ng trade fair ay higit pa sa isang selling event—isa itong pagkakataon upang makahanap ng bagong merkado, makabuo ng partnerships at mapalago ang kanilang negosyo.
- Panduan Lengkap Menemukan dan Menggunakan Link Judi Bola Resmi Terpercaya - November 16, 2026
- 𝗨𝗡𝗜𝗤𝗟𝗢, 𝗙𝗮𝘀𝘁 𝗥𝗲𝘁𝗮𝗶𝗹𝗶𝗻𝗴 𝗣𝗵𝗶𝗹𝗶𝗽𝗽𝗶𝗻𝗲𝘀 𝗮𝗻𝗱 𝗛𝗢𝗣𝗘 𝘁𝘂𝗿𝗻 𝗼𝘃𝗲𝗿 𝗻𝗲𝘄𝘀 𝗰𝗹𝗮𝘀𝘀𝗿𝗼𝗼𝗺𝘀 𝘁𝗼 𝗟𝗮𝗺𝗼𝘁 𝗘𝗹𝗲𝗺𝗲𝗻𝘁𝗮𝗿𝘆 𝗦𝗰𝗵𝗼𝗼𝗹 - November 14, 2026
- MySSS card, contribution records to be accessible via eGovPH - November 14, 2026