𝗚𝗮𝘄𝗮𝗻𝗴-𝗕𝗶ñ𝗮𝗻 𝗻𝗮 𝗪𝗮𝘁𝗲𝗿 𝗣𝘂𝗺𝗽 𝗲𝗽𝗲𝗸𝘁𝗶𝗯𝗼𝗻𝗴 𝗴𝘂𝗺𝗮𝗻𝗮 𝗽𝗮𝗿𝗮 𝗽𝗮𝗯𝗶𝗹𝗶𝘀𝗶𝗻 𝗮𝗻𝗴 𝗽𝗮𝗴𝗵𝘂𝗽𝗮 𝗻𝗴 𝗯𝗮𝗵𝗮 𝘀𝗮 𝗗𝗲𝗹𝗮 𝗣𝗮𝘇

Sinimulan kanina ng lokal na pamahalaan ng Biñan ang operasyon ng mga water pump para higupin at itulak palabas ang tubig-baha mula sa Barangay Dela Paz, na halos dalawang linggo nang nakalubog sa baha.

Ipinuwesto ang temporary pumping station sa bahagi ng Ilog Mariano sa Barangay Dela Paz. Inaasahang makatutulong ito upang mapabilis ang pagbaba ng lebel ng tubig sa lugar sa loob ng tinatayang 6 hanggang 8 oras.

Apat na water pump ang ginagamit sa operasyon. Bawat pump ay may kapasidad na mag-alis ng tinatayang 2 hanggang 3 cubic meters ng tubig kada segundo, na direktang itinutulak patungo sa Laguna de Bay.

Malaki ang inaasahang maibabawas sa lebel ng baha sa lugar gamit ang tinatawag na “Transformer.” Gayunman, nilinaw ni Cong Arman Dimaguila na nangunga sa proyekto na ito ay pansamantala lamang na sistema habang hinihintay ang pagtatayo ng permanenteng pumping station sa lugar.

Ang konsepto ng “Transformer” ay hango sa katulad na sistema na ginagamit sa Thailand na idinisenyo upang mabilis na mailabas ang malaking volume ng tubig mula sa mga lugar na binabaha.

Ang mga gumawa nito ay mga taga binan din .

Bagama’t pansamantala lamang ang Mega Water Pump, umaasa ang mga residente na malaking tulong ito upang maibsan ang kasalukuyang sitwasyon ng pagbaha sa Barangay Dela Paz.