𝗕𝗶ñ𝗮𝗻 𝗟𝗚𝗨, 𝗗𝗲𝗽𝗘𝗱 𝗔𝗟𝗦 𝗽𝗮𝗹𝗮𝗹𝗮𝗸𝗮𝘀𝗶𝗻 𝗮𝗻𝗴 𝗱𝗶𝗴𝗶𝘁𝗮𝗹 𝘀𝗸𝗶𝗹𝗹𝘀 𝗻𝗴 𝗔𝗟𝗦 𝗹𝗲𝗮𝗿𝗻𝗲𝗿𝘀

Pinagtibay ng Pamahalaang Lungsod ng Biñan, sa pamamagitan ng ICTO–Tech4Ed Center, at ng DepEd Schools Division Office of Biñan City–Alternative Learning System (ALS) ang kanilang partnership para sa pagpapatupad ng Digital Literacy Training para sa mga ALS learners.

Isinagawa ang MOA signing ngayong Agosto 11, bilang bahagi ng hakbang ng dalawang institusyon na mapalawak ang access ng mga ALS learners sa digital skills at teknolohiya.

Ayon kay Biñan Mayor Gel Alonte, kabilang sa mga prayoridad ng lungsod ang digitalization, na aniya’y dapat maging accessible sa lahat, kabilang ang mga mag-aaral sa ALS.

Sa pamamagitan ng programa, layong mapaunlad ang kakayahan ng mga ALS learners sa paggamit ng digital tools at teknolohiya na makatutulong sa kanilang pag-aaral, personal na pag-unlad, at paghahanda sa mas maraming oportunidad sa hinaharap.