Pagtaas ng Suweldo at Pondo para sa mga Guro, Isusulong ni Bam Aquino

Nangako si dating Senador at independent senatorial candidate Bam Aquino na magsisikap siyang itaas ang suweldo ng mga guro sa bansa.

Bilang karagdagan sa taas-suweldo, isusulong din ni Aquino ang karagdagang pondo para sa mga gamit tulad ng laptop, chalk, at iba pang mga kagamitan, pati na rin ang pamasahe ng mga guro, upang maging mas epektibo sila sa kanilang trabaho.

Ayon kay Aquino, ito ay isang pagkilala sa mahalagang papel na ginagampanan nila, lalo na sa larangan ng edukasyon ng mga Pilipino.

Makikinabang din ang kalidad ng edukasyon sa pamamagitan ng mga hakbang na ito.

Kapag muling nahalal bilang Senador, layunin ni Aquino na palawakin pa ang libreng kolehiyo at tiyakin na nakikinabang ang mga estudyante sa libreng pabaon na bahagi ng batas.

Itutulak din ni Aquino ang mga hakbang upang matiyak ang trabaho para sa mga Pilipino, kabilang ang mga out-of-school youth.